斥「有又攻擊 冇又攻擊」

《蘋果》記者昨日在長和系中期業績發布會上，再次指控長實位於日出康城的樓盤「領都」，指附近的堆填區臭味問題嚴重，質疑當業主陸續入伙發現問題後，長實便難以售出餘下單位。李嘉誠聞言後罕有地未待記者問完整條問題，便提高聲線出言反駁：「喂！你哋報紙呢，係專登等我哋有乜嘢（業務），有又攻擊、冇又攻擊。」

李嘉誠又強調，自己曾親身到「領都」現場視察，未有發現《蘋果日報》聲稱出現的問題：「好多地盤我都冇去，呢個地盤我啱啱去咗幾個鐘頭，我好少去嘅。個堆填區嗰邊，綠色過綠色，真係靚㗎，你去睇吓，心曠神怡。我已經講過，做生意唔係咁嘅，雖然我冇同你哋做生意，但唔好樣樣針住嚟寫！」

長實董事總經理兼副主席李澤鉅亦指出，至今已有一千七百多個家庭以實際行動支持購入該樓盤，很多已經入伙，都覺得當地空氣清新，個個開開心心，他說：「個個人入到去住，唔會淨係睇一份報紙，去決定個地方好唔好嘅。」

李嘉誠其後再補充，他不只在樓盤的單位內遠眺過附近環境，還直接到過樓下視察，發現該處真是個好地方。此時《蘋果》記者還未肯罷休，追問李嘉誠有否在晚間去視察，李澤鉅則反駁：「我日日夜夜（都去），唔知幾多次喇！」

壹傳媒更接近堆填區

事實上，《蘋果》所屬的壹傳媒集團總部坐落於將軍澳工業邨，工業邨本身就已是堆填出來的土地，而壹傳媒集團總部今時今日與堆填區的距離，亦比任何樓盤與堆填區的距離更接近。