卿姐睇嚟對於黃成智嘅作風不敢苟同，所以喺新書度都忍唔住對佢冷嘲熱諷，佢話：「要經常撫心自問，如果事情不是發生在黨友身上，而是在其他政黨人士或政府官員身上，我會怎樣反應﹖是否橫眉怒目、疾言厲色﹖要不時提醒自己，用同一把尺量度。」

卿姐苦口婆心向黨友說教，但有人就當耳邊風，好似卿姐成日提大家唔好遲到咁，尋日黃成智以立法會議員身份出席足球賽事就足足遲到二十分鐘，不過佢就解釋話，用咗十一年嘅老爺車行到亞皆老街時死火，所以先會遲到喎。

黃成智話今日會由律師代為出庭，由昨日開始在高院門外通宵靜坐嘅監察立法會議員誠信關注組，原定趁今日直接向黃成智抗議，召集人王文傑話，可能要改變計劃，去黃成智議員辦事處示威。