色慾電話

以前玩情慾電話，只係聽到把聲，見唔到真人，往往只能夠配合自己嘅幻想，想像對面拎話筒嘅係個索爆美女，從而解決生理需要。不過隨住科技發展，單憑聲音同幻想嘅情慾電話，再難以吸引到人光顧。有見及此，日本便有人推出一個另類嘅人妻成人電話服務，不但畀到全新嘅感覺玩家，而傾得興起時，更邀請人妻到屋企，嚟個親密嘅服務。

呢種情慾電話特別之處，就係佢結合咗3G嘅元素。玩家只需要一通電話，便能夠透過視像鏡頭睇到靚女真面目，唔單止樣貌清晰可見，而玲瓏浮凸嘅身材更係一覽無遺。曾經試過呢種服務嘅玩家宮本先生表示：「我以前都試過玩呢啲情慾電話，但後來覺得齋聽聲唔多盡興，最重要係依家風俗店開到成行成市，乜嘢玩法都有，使乜淨係靠把聲？但呢種視像新玩法就唔同，夠晒新鮮感，更可同囡囡互動，當然要試吓啦！」

電召入屋

宮本先生喺由朋友介紹下知道有呢種服務，提供服務嘅公司係採取會員制，如果要入會嘅話，首先要有熟人介紹，交錢入會並取得密碼後，先至可以享用呢種服務。據宮本先生稱，打通電話並輸入密碼後，便會入到有關嘅網頁。呢個時候，玩家便可揀選心儀嘅人妻，然後再接通等人妻回覆。

宮本先生就話：「入面有二十幾個人妻在線，不過由於玩家人數都幾多關係，故此我等咗差唔多十分鐘，先至成功進入心儀人妻嘅聊天室。」入到去後，宮本先生先同人妻透過3G電話傾咗一陣偈，然後便叫人妻除去身上衣服。當然，人妻冇咁快會剝光豬，否則點能夠讓玩家傾耐啲，收多啲錢呢？傾咗一陣，人妻終於除衫，脫剩一身性感嘅內衣。

呢個時候，宮本先生再指示人妻做出撩人嘅動作，人妻亦跟住宮本先生嘅指示，喺電話前做出各種誘人姿勢。宮本先生笑道：「第一次就想佢剝光豬，絕對冇可能。如果想睇全相嘅話，起碼要玩多三、四次至得。」宮本先生如是者玩咗幾次後，人妻突然問宮本先生有冇興趣見面，而宮本先生膽粗粗叫對方上去佢屋企，點知對方竟然答應！

玩法多多

到咗約定時間，人妻果然按時到達，並從手袋中拎咗幾套情趣內衣出嚟，笑問宮本先生鍾意邊種。宮本先生解釋：「其實喺電話度，對方會問客人鍾意邊種制服，當中包括水手服、套裝、泳衣、內衣等，而高踭鞋、絲襪等都有得揀。」宮本先生揀選心水內衣後，人妻便喺佢面前更換，性感嘅內衣加上玲瓏浮凸嘅身材，即時燃起宮本先生嘅慾火，馬上同人妻曳曳起嚟。

經過一輪激戰，心滿意足嘅宮本先生問對方點解會做呢行。據人妻解悉，由於呢份工工作時間自由，可以趁住老公返工嘅時候搵外快，而收入亦相當唔錯，故此不少人妻都樂於兼職。至於點解咁大膽送上門，原來人妻喺傾電話嘅時候，同時觀察對方嘅外表及屋企，如果感到對方唔可靠嘅話，便唔會提供呢種上門服務。宮本先生補充道：「加上佢哋行會員制關係，故此人妻們對客人都比較放心。」

至於收費方面，同人妻傾電話每分鐘便要600日圓，折合約為49港元，而短聚費用則為每小時18,000日圓，約為1,470港元。計落都幾乸脷！

撰文：阿豪