為食到沙巴 周中師傅鯨吞「雙子塔」

巨塔勁脆口

周中師傅鯨吞「雙子塔」的「事發現場」，是一間叫Salim's Curry House的茶室。這間地道沙巴茶室，主打炒麵、咖喱魚頭等美食，而其炮製的印度薄脆，長賣長紅，最得食客歡心。說穿了這印度薄脆，其實是Roti Tisu——一種由傳統印式煎餅（Roti Canai）演變而來的脆口餅食。

Tisu意指紙巾，即係話，這薄脆質地薄如紙巾。小記現場所見，整餅廚師將混合了糖及蛋等粉漿，在枱面攤得極薄，經過烤焗後，在粉皮未完全變脆時，捲成圓椎形即可。看似好簡單，實情薄脆的厚度及捲製的手法，都好考功夫，更何況要捲到半米咁高！怪不得，在座食客都讚這薄脆是「雙子塔」啦。

Roti Tisu要做得夠薄夠脆，秘訣係要將粉漿攤得夠薄。

嘩！好似白色嘅雙子塔啊！

周中師傅同美女亦唔執輸，拿起個白色「巨塔」大嚼特嚼。「攞上手輕飄飄，食入口脆卜卜，仲甜甜哋。」連師傅都話，用佢來配茶味濃郁的拉茶，感覺最滿足。同場推介厚身蒜蓉餅。餅烤得極之香口，用來蘸咖喱汁同吃，更分外惹味。

唔好以為捲印度薄脆好容易，實情薄餅薄過紙，出力少少都會碎晒㗎！	馬拉椰漿飯加入馬拉盞、香料及雞蛋，十分惹味。（RM1.4，約HK$3.5）	師傅跟靚女均對新記的肉骨茶興趣十足，吃得相當專心。

Salim's Curry House

地址：Lot 69/2.0, Lorong Lintas Plaza-2, Jalan Lintas, Luyang

肉骨茶富藥香而帶甜，仲可以按喜好加入肉丸及各式內臟配料。（RM9，約HK$23）	肉骨茶、啤酒蝦都是即叫即製的，上枱時新鮮滾熱辣。	新記一室膠櫈、圓枱，屬傳統冰室格局。

時間：8:00am~12:00mn

放大圖片	拉茶是富源的另一招牌，女模特有樣學樣試沖，意外地似模似樣。	源記的咖央採用新鮮出爐麵包即製，也有食客專程齋買一條條的麵包。

查詢：（60）88 261 220

周中師傅入得廚房、出得廳堂，就連富源老闆的女兒都係佢粉絲呢。

鬆軟香口的咖央麵包配上拉茶，是富源的招牌孖寶。（咖央包RM1.2，約HK$3、拉茶RM2/杯，約HK$5）

多料肉骨茶

肉骨茶源於馬來西亞，這種結合了藥材、骨排同煲的肉湯，飄着藥香肉味，不知迷倒多少為食老饕。周中師傅來到沙巴，點會錯過這好滋味。他來到當地知名的茶餐室新記，柯打小店的肉骨茶，呷兩啖下肚，即知龍與鳳。肉骨茶加入當歸、川冬、甘草等中藥材熬煮，湯味濃郁帶甜，食材方面則有骨排、腩肉等，雖則大路，但可再加魚蛋、豬肚及粉腸等，配上各種地道調味料，仲有熱辣辣的油條，口味進一步拉闊。

如果吃不慣藥材味道，新記的啤酒蝦、黃酒豬腰，是不錯的選擇。師傅以煮滾的啤酒用來炮製老虎蝦，令蝦肉分外爽甜；用黃酒煮豬腰，不但辟掉豬腰腥味，而且增加其爽口度，值得一試。

新記砂煲肉骨茶

地址：No.26, Jalan Pantai, Kota Kinabalu

時間：4:00pm~11:00pm

查詢：（60）16 889 1668

最強咖央多

馬拉傳統美食多，不過要講送下午茶的首選，還是椰香十足的咖央（Kaya）。在沙巴要歎靚咖央，最負盛名的老店，要數富源茶餐室。老闆楊生表示，無論是用椰汁、牛油與砂糖細火熬煮的咖央醬，抑或凌晨1點便開始烘烤的麵包，全部都是自家出品，加上流量大，麵包幾乎一出爐即製成多士賣掉，新鮮度自然更勝一籌。

試過一客咖央多士，麵包脆度烤得適中，讓你能感受麵包的外脆內軟，如果不貪香口，食不經烤烘的咖央包，更能細味到咖央濃郁甜美的椰香。配上一杯茶味十足的拉茶，中和咖央的甜美，實在叫人停唔到口。

富源茶餐室

地址：A3 Ground Floor, Phase 4 Damai Plaza 88300, Kota Kinabalu

時間：7:00am~12:00mn

查詢：（60）16 801 9966

遨遊備忘

簽證：持BNO及特區護照均免簽證

機票：永安旅遊周中師傅沙巴5天美食團，行程包括中央菜市場、品嘗師傅即席烹調料理及監製特色佳餚，並暢遊神山等。只辦11月13日一團，團費$8,699起。

查詢：2928 8882

貨幣：RM1約兌HK$2.5

天氣：10月氣溫約23℃~31℃