徐子淇助細妹靚靚出嫁
前晚，徐子淇的妹妹徐子欣（Daisy）於姐夫李家誠旗下的酒店The Mira舉行婚禮，晚上筵開超過三十席，徐子淇偕同丈夫和兩個女兒，以及四叔李兆基均列席。身為子淇御用化妝師Gary Chung更操刀為Daisy化妝。Gary說：「子淇同妹妹感情好好，佢咁貪靚，都話唔使我操心，要我全力幫Daisy化到最靚，佢自己化咗底妝，之後我再幫佢化。Daisy都讚子淇係全世界最好嘅姐姐！」
Gary說氣氛真摯感動，眾人都眼泛淚光。由於Daisy愛簡約，故晚宴布置均以簡約浪漫為主題。Gary又謂：「Daisy着裙褂、婚紗同埋子淇幫佢揀嘅兩套公主feel晚裝，Daisy同老公好襯，係世間罕有嘅小白兔，個個都話佢哋好sweet。Daisy日妝以自然為主，晚妝就係smoky eyes。」而子淇出席婚宴後於昨天離港。