陳偉霆露pat怕尷尬
陳偉霆（William）昨日出席活動，對於過氣女友Angelababy被指胸圍突然由A變C cup，他力撐舊愛說：「始終係女仔敏感地方，雜誌啲相全部影嗰度，唔係咁好，自己揭兩揭已經冇睇。（隆胸？）應該唔會，雖然一段時間冇見，但睇相覺得佢肥好多，可能之前太瘦，依家大個女。（佢以前係咪A cup？）佢本人至清楚size，我對數字、英文好差。」
此外，之前有導演搵William和夏文汐拍電影，他謂傾得七七八八：「自己一人分飾兩角，角色幾特別，夏文汐係我客人。（做鴨？）總之係服務性行業。（會唔會操股？）有問導演使唔使練股肌，不過教練話好難。（介唔介意露pat？）怕過唔到自己嗰關，露pat pat好尷尬。（豁出去？）演技豁，唔使肉體豁。」