廖碧兒疑飲有料橙汁中毒
廖碧兒（Bernice）昨日以低V裙出席手袋品牌COCOMOJO新店開幕活動，她自爆上星期因食物中毒，故消失了幾天。問到為何中毒，她解釋：「我同Cousin去一間食肆食早餐，懷疑用嚟載橙汁嘅器皿洗得唔乾淨，入面仲殘留咗啲清潔劑。我嘅Cousin食完即時肚屙，但我到中午先開始唔舒服，發冷以及屙嘔，我仲以為自己係普通感冒，最後夜晚頂唔順要去睇急症，真係嚇死我。（以後都唔去呢間食肆？）咁又唔會，只係唔會再叫嗰樣嘢飲。」
Bernice稱自己平時甚少生病，但一病就會陸續有來，她自覺近日身體弱了不少，她又打趣說自己勞碌命：「我不停工作反而無咁易病，只係休息咗一日就中招，所以唔可以休息。」
另外，Bernice表示自從拍畢電影《葉問前傳》後便迷上詠春，現在每星期也會抽三天練習功夫，五月便會為該電影到亞洲各地宣傳。至於有指陳志雲邀請愛將食飯，問她是否有份，Bernice直言：「未有人打畀我，我冇去食飯。」