周永恒（Roy）新婚不久，即傳來老婆趙梓淇（阿Yu，前名趙頌茹）有BB喜訊，本來已經恩愛的他們，現在更加糖黐豆，由於老婆有喜，很多時要留家休息，Roy閒來就陪老婆煲劇。

Roy說：「阿Yu好鍾意煲劇，自己得閒就陪佢睇，啱啱睇完一套韓劇《原來是美男》，男主角（張根錫飾）性格同我一樣，佢鍾意咗女主角，但成日擺喺心入面，表面就做到好憎對方，其實好掛住女主角，不過見面就扮唔在意，又鍾意扮型。」

對於愛情態度，阿Roy說：「連阿Yu都話男主角好似我，佢比我更了解自己，以前我成日激佢，目的係想引佢注意，好低能，所以睇到好有共鳴，連我依家嘅髮型，都係抄男主角架。」