近期五大證券經紀組織頻頻聯合行動，證券商協會30周年紀念更因邀請到「股壇校長」李福兆出山而大出風頭，本地龍頭證券組織──證券業協會就相對顯得較低調，但其實佢哋近年喺社會責任方面都做咗唔少嘢，該會早前獲明愛提名，並入選「商界展關懷」名單，係證券業組織首次得此銜頭。
證券業協會過去兩年做咗唔少義工活動，好似喺新春期間與老人家慶祝團年，仲有遊戲、表演及抽獎。該會又與科大及明愛合作，為黃大仙區內有讀寫障礙嘅兒童舉辦「玩轉大嶼山」戶外活動，透過連串學習及活動啟發佢哋嘅創意，學習團隊精神同溝通方法。該會亦曾到科大演講「企業社會責任」。
余絲韻