擁非洲各地採礦權
費高除咗係○一年世界足球先生，亦係前葡萄牙國家隊隊長，退休前係意大利國際米蘭嘅球員。呢間西非礦業公司話，費高將投資擴闊至金融及商品，特別係西非地區，相信佢睇好公司前景，不過就冇提到費高投資幾多錢。但絲絲聽朋友話，呢間西非礦業公司好特別，採礦權唔只喺西非，亦有權去非洲任何地方採礦。
講開外國球星投資，其實佢哋好識得投資之道，早前英國《星期日泰晤士報》話，碧咸和朗尼等一眾球星喺四年前投資咗一個電影融資基金，呢個基金有份投資電影《阿凡達》，依家《阿凡達》票房勁收，佢哋淨係分紅都好和味。
余絲韻