本文重點
唔知大家第一次買股票時有乜嘢經歷呢？信誠證券聯席董事張智威（Alvin）分享佢嘅第一次買股經歷，股友們同學生哥就唔好亂咁學喇。
Alvin嘅父母經營茶葉生意，所以佢細細個已經識得分辨茶葉靚定唔靚。不過，佢最後都係揀咗金融作為事業。而大學讀書時，Alvin已經開始買賣股票，仲會喺上堂時，用教科書遮住報價機偷偷地睇股價。
鍾情陽光與海灘
佢話第一次買嘅股票係聽朋友介紹嘅二、三線股，依家已經連公司名都記唔起，但嗰次結果係贏錢嘅，也令Alvin對金融界嘅快上快落更加着迷。到咗依家，Alvin當然係做足功課先投資喇，呢個先係正確嘅投資態度。
工餘時候，Alvin鍾意旅行同運動，尤其鍾情於泰國嘅陽光與海灘，曾經唔止5、6次到泰國潛水同游水。
余絲韻