由於長假期前突然傳出內地再加存款準備金率，以為港股隨時又要震盪一番，點知美股周二晚大升，救番港股，昨日終於順利開出紅盤，有一個好開始，希望今年股市虎虎生威，由年頭旺到年尾。
港股開始對利淡消息無大反應，理應係見底反彈之兆，惟過去兩個交易日，港股的成交太奀，難怪大部分炒友都作壁上觀，暫時入市都係審慎為先。
去年電訊股可以講係大落後，經過一年多重組，中國電信（00728）成為三大電訊商中最大得益者，過去一年從上客數字睇，中電信幾乎跟大阿哥中移（00941）打成平手，由於本身基數細，去年收入增長應該相當唔錯，古晨發現喺業績公布前，澳洲聯邦銀行連番大手增持，連大戶都出手，應該可以落番少少「跟進飛」，暫向上睇番4蚊，止蝕就定3元。
古晨