本文重點
工字不出頭，打工仔都想做老闆，惟始終資金有限。Vincent啱啱從世紀21Cora口中得知，位於佐敦的381廣場30個商舖嘅業主，聯合以一口價每月2,800元全包宴（即連同差餉及管理費等雜費）推出招租，計起上嚟，每間舖日租唔使一百蚊，成本之低，深圳東門好多街舖都唔得，加上租期短至半年，所以現時已經有年輕創業人士傾緊租，相信日內會有好消息。
Cora仲話，上述商場共有113個商舖，現出租率約70%，現招租的30間舖位，每個面積大約100方呎，目標租戶為健康食品及美容等。
懿峯示範戶恍如夢工場
以「古典味、現代美」為賣點的永泰亞洲半山西摩道懿峯，昨開放示範單位予代理朋友先睹為快。Vincent收到風，睇示範單位之前，永泰亞洲企業拓展總監李簡鳳玲特別安排大家先觀賞一套數分鐘的短片，代理形容，套片猶如愛情文藝電影，故事透過一個現代美少女翻看婆婆昔日的日記作序，帶出60年前香港上流社會的富豪子弟生活點滴，而當大家睇完短片步進示範單位，單位內竟然擺放了片中的陳舊日記，以及部分情節的道具，令在場人士恍如走進電影夢工場一樣。
（Vincent Lau）