阮兆祥向藍男逼婚大報復

祖藍、祥仔和李思捷三位「福祿壽」常並肩作戰，兩位拍檔對「藍男戀」卻一無所知，祥仔接受訪問時被問到是否一早得悉祖藍拍拖？他說：「個個都以為我同李思捷一早知，其實我真係唔知，都係同大家一齊知。佢係有講過有個教友女友，話拍緊拖好sweet，但就冇講係邊個，我都話佢唔簡單好深謀遠慮，唔好以為佢主持過兒童節目就好簡單。」他大讚祖藍口密，但笑言希望祖藍也能保守別人的秘密。

「穿喇穿喇」露馬腳

祥仔說回想起祖藍與李亞男拍拖也是日前才露出馬腳：「前幾日祖藍喺度話穿喇、穿喇，原來係講呢樣嘢。到節目巡禮見到阿男坐喺祖藍隔籬化妝先估到！所以話男人要嘅係風度唔係高度，風度至能夠吸引到女仔。」祥仔計劃在《荃加福祿壽》演唱會中逼祖藍公開求婚或者示愛來懲罰兩人。李思捷則說：「真係唔知佢哋拍拖，祖藍大個仔，佢鍾意就得，最緊要佢鍾意。」

苟芸慧：可付託終身

與「藍男」分屬好友的苟芸慧在電話中說：「恭喜！之前都有一齊返藝人之家，但係都唔覺佢哋一齊，佢哋都有分享拍拖嘅事，但係就冇講同邊個拍拖嘅。（佢哋身高唔合襯？）佢哋兩個識咗好耐o架喇，可能好多嘢已經衝破咗外表框框，我同祖藍都好熟，佢好nice，佢係一個可以付託終身嘅人。」現時單身的苟芸慧也恨拍拖，笑言也不介意另一半矮過自己。

文：影視組