米沙比轟46分助爵士滅火
【本報綜合報道】爵士米沙比一戰成名！爵士尋日作客熱火打出經典之役，現年25歲嘅大前鋒米沙比在第四節剩餘最後28秒時攻入11分，包括3個三分球，協助爵士追平至加時，最終一鼓作氣下以116比114贏埋熱火，米沙比個人轟入46分，「大帝」勒邦占士攞到加盟熱火以來首個「三雙」都要行埋一邊！
爵士今場都算贏得經典，皆因擁主場之利嘅熱火曾一度領先22分之多，本以為勝券在握，估唔到在第四節斷送江山，爵士喺嗰節開始已打出一段19比4嘅攻勢，雖然熱火及後再將比分拉開，正規賽事剩餘30秒時更有8分優勢，殊不知爵士及後4次起手三分球全部命中，當中有3球來自着晒火嘅米沙比，最終亦由佢追平帶入加時。乘勇嘅爵士加時後表現較佳，結果以116比114反勝熱火，取得一場重大勝利。
姚明限賽令或明年解除
踏入個人第五個NBA球季嘅米沙比，今場轟入46分及搶得9個籃板，成為贏波頭號功臣，佢賽後表示：「能夠落後咁多分數下贏波，我都無話可說啦，只能講球隊實在太堅韌！」
其實熱火「三巨頭」今場表現唔差，其中勒邦占士就得20分、14次助攻及11個籃板，加盟熱火後首個「三雙」，至於拍檔韋迪亦有39分進帳。
另方面，有傳火箭打算提早取消姚明嘅「24分鐘時限令」，軍醫會認真監測姚明嘅舊患，若然未有惡化，有望在明年一月解除。
身高：1米63 體重：67公斤
威水史
場地單車500米計時賽、爭先賽、
競輪、隊際爭先賽世界排名第一、
2010年世界盃北京站競輪賽銅牌