嘉穎:好難搵個矮過佢啦

王祖藍和李亞男譜出「長短腳之戀」,高矮配令不少圈中人紛紛送上祝福,並指兩人有相同宗教信仰,戀情會得到護蔭。

鄭嘉穎:「祖藍同李亞男拍拖?好呀!佢哋兩個都係基督教。(但身高差好遠喎?)都好難搵個矮過佢啦,橫掂都係,畀我都會啦。」

馬賽:「祝福佢哋,覺得佢哋都唔係以外表取人嘅,阿男好善良,佢哋心靈上溝通到,唔在乎身高。」

黃宗澤:「啱啱先知喎,係咪真o架,有少少愕然,但都好開心,恭喜佢哋。」

而胡定欣、霍汶希、杜汶澤等等均透過微博祝賀兩人。至於討論區上有網友祝福兩人之餘,質疑祖藍曾自爆有圈外女友的做法。亦有網友說︰「好愕然,完全冇諗過佢哋會一齊,祝福佢哋。」、「估唔到會係咁,anyway都值得恭喜嘅。」