Kary獲揼本唱爆紅館

形象百變的Kary出道已被認定為實力派歌手。自Cookies解體後Kary先後組成樂隊Ping Pung，接住又以個人姿態推出專輯，今年又與樂隊Hardpack合作，Kary為配合新碟造型一改斯文形象，大玩Rock味，一直受唱片公司力捧的Kary將於明年六月與金牌大風合約屆滿。

落足嘴頭

由於金牌得悉有其他國際唱片公司對Kary虎視眈眈，故近日落足嘴頭游說她留低，甚至開出明年她上紅館舞台演出的條件，金牌大風發言人承認助Kary開騷，他說：「一直有呢個計劃，兩年前Kary喺Star Hall嘅時間已經幫佢入紙紅館，當時紅館檔期好密，只排到明年一月有位，當然Kary係有能力唱啦。（挽留佢嘅第一步？）開呢個騷唔關續約事。」

合作愉快

問到Kary會否被金牌打動留低？她在電話中說：「合作係有好多嘢去傾，紅館係其中一樣，大家都係講『信用』，我同金牌合作一直都好愉快。」Kary承認有其他唱片公司約見她，她說：「坦白講係好正常，冇人搵代表自己冇乜嘢價值，證明仲有得撈。」

採訪：音樂組