好老公港男搶分！黎振燁跑出爆喊

無綫《2016香港先生選舉》三甲昨晚塵埃落定，(4)黎振燁（Jackson）、(9)丁子朗及(1)鍾君揚分別奪得冠、亞、季軍，而Jackson得獎後更激動得變喊包！前晚揮低其餘6位港男躋身四強的鍾君揚、黎振燁、(5)胡㻗及丁子朗，昨晚在與港姐Crossover的決賽中繼續努力拉票，其中前晚自爆已婚兼公開向老婆示愛的黎振燁，在早段已贏盡掌聲！當李佳芯問他怎樣才不會原諒老婆時，他9秒9即答：「佢唔畀我錫佢囉！」盡冧在場的女士。而在演講環節中，入行8年、現年30歲的他自言參選港男是人生奇迹，再度打動廣大觀眾。至於19歲的丁子朗則力Sell自己的年輕及遠大夢想，最終贏得亞軍。

羅天宇細佬食白果

而一眾落選港男昨晚亦難得地再有機會上鏡，當他們逐一講心水時，(7)楊灌澤竟忘記遞咪，搞到(8)伍禮騫忍不住說：「可唔可以畀個咪我？」其餘時間他亦擺晒甫士喪博觀眾注意，非常搞笑！

冠軍黎振燁（右）得獎後激動爆喊，鍾君揚與丁子朗（中）在旁安慰。	亞軍丁子朗與港姐佳麗陳睿雯妙問妙答，全場笑爆嘴！	季軍鍾君揚與港姐佳麗關可欣同場鬥口才。

成功以「好男人」、「好老公」形象跑出的黎振燁，前晚進身四強後受訪時，直認自爆已婚有助加分：「其他環節都有拎到分，如果得一個環節拎到都幾牙煙！」又自言講經歷時想喊，但怕整花化妝而忍住。而鍾君揚與胡㻗同樣對其他好兄弟未能入圍感可惜，問胡㻗有否向哥哥羅天宇報喜，他說：「相信佢都知，佢有嚟後台幫我打氣。」而羅天宇接受電話訪問時讚細佬表現愈來愈自然。另外，胡㻗的前藝人父親胡越山，自言因其泰式按摩店生意繁忙，故未有欣賞囝囝的表現。

文：影視組