黃欣靜待時機返娛圈

09年樂壇女新人黃欣（Lena）日前為香港知專設計學院的展覽行3D花生騷，見到現場一班專業model不忘即席偷師，她說：「因為高度問題，之前只係行過hair show，不過好彩我有跳舞底子，都handle到台型。」曾於《美女廚房》中做「粉」一角的Lena去年轉型做歌手，不過因為緋聞問題與公司意見鬧分歧，由年初斟解約至今，最近終於傾掂和平解決：「之前約未完，唔可以自己接job，我轉行做過地產公司經紀，係我第一份office工，不過做咗一個月就冇做。」模特兒出身的Lena始終放不低演藝工作這個老本行，她正待時機再返娛圈，現在不忘繼續學跳舞、唱歌及詠春，自我增值！