林峯畀錢買包唔攞着數

被視為無綫親生仔的林峯，在《十大勁歌金曲頒獎典禮》上，獲頒「亞太區最受歡迎男歌星」及憑《Chok》奪得「金曲金獎」，事後即惹來不少網民爭議及抨擊，但林峯一於少理，忙於為無綫新劇《雷霆掃毒》開工，前日下午他與官恩娜（Ella）及徐子珊在上環街市對開拍外景，引來不少途人圍觀，可見他的人氣未有因而受到影響。

對街坊有求必應

拍攝完後，Ella及子珊返回TVB外景車上換衫，而林峯卻被大班街坊粉絲包圍，並上前要求合照和簽名，他有求必應，態度親切。臨走前，林峯到附近麵包店買包醫肚，一眾粉絲仍然跟到實，更不停拿出手機拍下Chok「風」。期間當他準備取出碎銀付款時，麵包店老闆娘見到林峯光顧，即笑到見牙唔見眼，並推開林峯隻手猛話唔使，免費請他吔包，林峯即道：「唔好，唔好，生意照做。」兩人你推我讓一輪後，林峯都堅持放低錢，之後獨自搭的士走人。

林峯被街坊包圍索取簽名。	林峯說生意照做，堅持放低錢才走。	官恩娜拍畢與助手離開。

Ella唔怕遇舊愛

此外，Ella前晚為《勁歌金曲》錄影，問到會否怕在電視城遇到舊愛吳卓羲時，她即扯開話題說：「我除咗工作，好少理其他嘢。（會否向吳生打招呼？）見到任何人都會打，全宇宙識嘅都打。」她透露在《雷》劇跟林峯有很多對手戲，但不怕跟對方傳緋聞：「佢只會在劇中錫子珊唔會錫我。（男友擔心遇到吳生？）我對得住天地良心，乜都唔驚！男朋友唔會過問我工作上嘅事。」

文、攝：追蹤組