周秀娜搵銀至上單拖赴日
有日本右翼團體圍堵中國旅行團，令中日關係日趨緊張，圖打入東瀛市場的o靚模可謂首當其衝！在日本開始站穩陣腳的Angelababy坦言會禁足日本兩個月，但周秀娜卻天不怕地不怕，最怕冇job的她下周便隻身啟程日本開工搵錢。
釣魚島風波激起日本民間反華情緒，有日本右翼團體前日更於福岡包圍中國旅遊巴洩憤，令中日關係更趨緊張。這場政治風波更延伸到香港演藝界，o靚模近年積極闖日發展，其如意算盤隨時被打破。
Baby祝願世界和平
在日本已有一定知名度的Baby昨晚到海港城出席活動，被問有否留意中國旅行團被圍堵？她說：「我冇睇呢單新聞，不過日本有左右兩派，但我對時事唔係太熟，所以唔講咁多。」自言一個月前從日本返港的Baby，被問會否擔心在日工作及提高警覺性？她坦言：「呢兩個月都唔會去，不過去日本嘅時間表唔會有太大改變，總之希望呢件事快啲結束，世界和平。」
同樣赴日發展的周秀娜卻顯得大無畏，坦言下周就飛往日本拍硬照。她說：「我有叫香港經理人打去日本問行程有冇改變，佢哋話唔使改，一切如期進行。」她表示今次事件只是個別偏激行為，不會對她有影響。單拖赴日的她說：「今次我會一個人去，暫時唔會叫多個人陪我。」周秀娜笑言男友工作太忙，一定冇時間陪她到日本。
諸葛遇事致電報館
經常穿梭港日兩地的諸葛梓岐，對於今次事件坦言感到害怕，並透露本月底會赴日宣傳新歌。問到若然遇上被圍堵事件怎樣處理？她說：「我會立即致電香港報館，等佢哋幫我發放消息，等人救我。」而身為日本雜誌專屬模特兒的Annie G.表示，本月中會到日本工作，不會因此改變行程。
文：專案組