人妻天后一家團圓大過天

陳慧琳：今晚一家人食飯慶祝，我準備咗低糖月餅，分咗1/16個畀「蝦餃仔」食。佢第一次食月餅食到舔舔脷，又攞番上年公公送畀佢嘅燈籠玩，夠晒環保。

楊千嬅：成個下晝都要排舞，夜晚趕返屋企食飯同家人過節。因為跳到好攰，如果仲有力就同老公賞月啦，不過我哋都係留喺屋企，喺窗口望住個月光。

謝安琪：夜晚同屋企人食飯，一家人團圓，之前已經同囝囝一齊用廢物整咗個燈籠，又環保又親子，我哋會賞月食月餅，陪囝囝過一個快樂中秋。

千嬅希望與老公望窗賞月。

謝安琪與囝囝用廢物做燈籠，認真環保。