龔嘉欣：寄望保安嚴密啲

無綫小花龔嘉欣昨日為《奇華嫁喜禮餅呈獻─第五屆婚展會2010》行婚紗騷，難得大晒胸前事業線，她說：「做嘢唔介意性感，到真係結婚就會問准老公先。我拍廣告、行騷着過三次婚紗，着極唔厭，裙褂就第一次着，我夢想第時結婚由自己設計婚紗。」對於郭晶晶被紅外線偷拍三點，嘉欣表示好得人驚：「真係好驚！但行騷做嘢冇得擔心，寄望保安嚴密啲，快啲有方法防止。（網上有鹹濕龍友專門影女藝人某啲部位？）我唔希望佢哋只欣賞某啲地方，希望欣賞成個我。」