伊健望「四大」與TVB修好
阿倫昨日接受電台訪問時，提到有傳陳志雲為化解無綫與四大唱片公司轇轕，提出兩大單位合作搵街外錢，以解決金錢糾紛，阿倫對此說：「有咁嘅心係好，但大家都係企業，真係好難做，總之有方案就有希望。」
身為四大唱片公司旗下的鄭伊健，同時亦是TVB合約演員，故此身份尷尬，昨日伊健出席活動時坦言：「我都好想公司盡快與TVB修好關係，有時我可以亮相，有時又唔可以亮相TVB，好奇怪，我身份好尷尬。」
關楚耀接受新城電台訪問，談到有指無綫因與四大唱片公司決裂，所以連阿倫和李克勤有份出席的十‧一晚會也被刪剪，身為四大唱片旗下歌手的他對此說：「我覺得咁對歌手唔公平，有欠尊重，不過我覺得依家真係free好多，起碼可以上亞視、有線同now，當然都希望公司同無綫快啲好番，達到雙贏。」