周秀娜瞞男友約波牛得個嬲字
周秀娜（Chrissie）愛玩網上交友，自爆瞞住男友Avis，用真名及藝人身份和聲稱在英國的「足球男」做網友聯絡感情，但她揚言絕不會貪新忘舊，皆因其男友Avis是「宇宙最靚仔」。
昨日身穿連身裙的Chrissie帶同師妹A.Lin出席Modizo.com（名博）最新社交媒體平台記者會，吳雨霏、名模林莉、草蜢、鄭伊健、梁漢文、王祖藍、E Cup Baby劉欣宜和李蘊等歌手和藝人均盛裝出席。
相約切磋球技
Chrissie透露因要趕往澳洲工作，未能和男友Avis及家人共度中秋，但定會帶手機及電腦在身，皆因她愛上網上交友：「我喺網度識咗個男仔，佢話自己喺英國，係踢波嘅，仲好犀利！佢同我講會嚟香港探我。（用真名兼表露藝人身份？）係呀，但唔擔心會遇到心懷不軌嘅人，自問識分寸唔會被騙。」她又稱男友Avis暫未知她識了新朋友，或將來兩位男士可相約切磋球技，因Avis球技也精湛。問Chrissie可擔心戀情有變？她即向男友大派定心丸說：「男友還男友，朋友還朋友，你知我鍾意靚仔喇，冇人靚仔得過我男友。」
有報道指Chrissie在富豪飯局中有價有市，她稱從沒被邀，工作上的飯局可接受，但「鹹味太重」的飯局則免問。問Chrissie可會放短片上名博，趁機賺錢賺人氣？她笑言打算上載「私房照」，其實是自己在私人房間活動的短片。
缺杏兒陪過節
另外，同場的黃宗澤稱要趕往大陸工作，問女友可會陪他到大陸過節？他反問：「胡杏兒？佢要開廠拍劇。」他又可會將女友的三點式泳裝放上名博？他謂不會，因對方不會着三點式泳衣，上次與杏兒到沖繩旅行也沒有拍片。
採訪：音樂組