舒淇奪目紅玫瑰

春夏＝色彩，這是潮流界的不變定律。天氣漸漸回暖，各女星即紛紛化身彩雀。星級形象指導Ricky表示要着出潮味，髮型、妝容、服裝、以至鞋履的配襯都要恰當，某方面稍有差池，都會美感盡失。而今期潮星非性感女神舒淇莫屬，美得簡單又不失型格。

黑配搭夠穩陣，簡單得來又有型格，而且好啱近排節日氣氛。紅噹噹的上衣令她紅光滿面，加上髮型好有心思，專登將其中一邊扭成玫瑰花形狀，效果特別，配合埋個earth tone妝，好有青春氣息。

一身春意十足嘅打扮，令人看得愉快。藍色闊領上衣下配淺色褲，顏色配搭唔錯。

最突出係腰間嘅粉紅色粗belt，全身colourful打扮潮得來幾sweet。值得一讚嘅係simple and clean嘅all back束髮，加上恰到好處嘅妝容，幾有星味。

紅黑打扮基本上match得唔錯，紅色雪紡裙外襯biker jacket，令成個look型得來帶點girlish嘅感覺，加上桃紅色clutch bag同ruffled ankle boots，由頭至腳都配搭得夠搶眼。

髮型幾fresh，夠清爽，充滿春日氣息，個妝化得佢輪廓突出。可惜紅色連身裙的層層ruffles設計，顏色雖然夠搶眼，但着到佢冇晒身材。最錯係配對魚網絲襪，可能佢想令到成個look更加feminine，可惜弄巧反拙，效果好out，好師奶。

米白色通花着出清麗脫俗嘅感覺，雖然唔係大紅大紫嘅刺眼顏色，但好切合佢簡約優雅嘅風格，令人睇得賞心悅目。

紫藍色tube dress突出佢平日冇乜睇頭嘅身材，薄紗detail感覺好high class，唔似平日咁o靚味十足，令人眼前一亮，有番星味。今次妝容化得佢眼仔精靈，比平日sharp醒，不過額前fringe太長又唔整齊。

長曲髮雖然啱佢乖乖女形象，但欠缺新意。顏色鮮艷嘅紅色jacket款式太過「阿太」，就算match件白tee襯底，都未能化腐朽為神奇，下身仲襯對深藍skinny jeans，又暗又沉，打扮頗為老氣。

文：名人組