張苡澂等住嫁富商
歌手張苡澂（Venus）近日忙着在內地拍攝劇集，已有一段時間沒有在香港公開場合露面的她，自言近年除了圈內的工作外，也會幫助屋企打理家族生意，她說：「以前會好想喺呢個圈工作，不過個人愈大就開始諗吓將來，之前覺得幫屋企人做嘢會好悶，但係依家又覺得ＯＫ，所以未來都會兼顧兩邊嘅工作！」
Venus曾經因和周汶錡男友在街頭啜爆而導致人氣大跌，提及此事時她說：「其實都冇得怪邊個，不過件事令我睇清楚娛樂圈係點囉！」現已有一位親密富商男友的她，最近亦多次傳出會和對方拉埋天窗，說到男朋友，Venus即時甜絲絲地說：「有唔有錢都唔緊要，最緊要係人品好！（幾時結婚？）哈哈！佢都好想我哋快啲結，不過未知呀，依家開心咪得囉！」
場地及服飾：MissSixty