謝安琪谷胸施誘長發唔蒲頭
「是非港男」黃長發近日被捲入網上熱炒的疑似慾照事件，連日來都有返中環公司的他，原本昨午答應出席謝安琪有份參與的畫展，但阿發為免引起混亂避席，連午飯亦要叫外賣pizza。
已轉做幕後工作的前港男黃長發，近日受疑似「情慾照」事件再度人氣急升，成為傳媒追訪對象。有傳昨日阿發會出席「龍圃花園慈善藝術展開幕」，惟直至記者採訪完畢離場，阿發卻一直沒有現身。
記者昨日致電阿發公司，其同事霍小姐指他有返工：「因為尋日食飯好多人追住影相，過馬路時險象環生，佢唔想一出現就造成混亂，佢唔會回應床照嘅事，費事愈描愈黑。」
公司同事全力支持
霍小姐又指阿發為免出現再引起混亂，故昨午只叫外賣pizza。她說：「佢都唔係娛樂圈人，畀多啲空間佢，大廈看更同客戶都有投訴。」霍小姐透露阿發將出席昨午五時半舉行的畫展，同場還有謝安琪。她稱：「佢有嘢做緊，遲少少先到。大廈有關人士都叫我哋停一陣，因為騷擾好多客戶。（會唔會叫阿發放假？）全公司都支持佢，佢會繼續返工。」
謝安琪自認賤骨頭
另外，謝安琪（Kay）昨日以女主角身份出席畫展。當她看到與星級攝影師Olaf Mueller合作的四張展品時表現興奮，第一時間以四萬五千元購入其中一幅。
Kay於畫中以性感谷胸造型出現，她對此笑謂：「唔好睇小女性，在乎觀點與角度。（覺唔覺自己好性感？）冇特登避同唔着。」Kay透露近日患上感冒，打噴嚏打到左眼爆血管，不忘自嘲：「真係賤骨頭。」
文：音樂組