鄭東漢撐硬愛兒
Ronald與阿Sa自揭○六年在美國秘密結婚，記者昨午致電Ronald父親鄭東漢，他得知是記者來電即說：「我傾緊電話！」隨即cut線。之後記者再致電，但跟之前同一把聲的鄭父卻說：「你打錯電話。」
其實疼錫愛兒的鄭東漢，昨日亦有陪Ronald出席記者會，會後兩人乘保母車直往尖東。鄭父落車時，問他是否去撐Ronald？他說：「梗係！（係咪放下心頭大石？）你哋都睇到晒佢哋全部嘢o架啦！我依家約咗人食飯要走先。」
身在內地的Sa爸則在電話說：「我冇嘢回應，我一向都唔講。」之後記者再度致電Sa爸，他說：「我喺大陸做event，呢度好嘈，聽唔到你講乜。（點睇阿Sa同Ronald開記者會？）係咩？咁等佢自己講囉。（○六年你有冇去美國見證？）我唔知呀，你叫佢哋講啦，我唔得閒！」