羅力威收fans燕窩冧晒

首屆亞洲星光大道冠軍羅力威早前帶同星光家族成員戴晼旂出席東港城活動，吸引過百粉絲捧場。羅力威邀請fans上台玩遊戲，並獻唱自己創作的新歌。他透露將於暑假期間推出個人大碟：「會以國語歌為主，因為一向對唱廣東歌冇乜信心，但都盡量會唱一、兩首。」他直言早前面對很多負面新聞，幸得fans支持，令他重拾信心，他說：「我收到好多歌迷信叫我畀心機，有啲媽咪級fans又派利是同整燕窩畀我食，真係感動到眼濕濕。」問到會否希望拍拖？他說：「暫時太忙嘞，無時間處理感情問題。」