Karen爆性癖好：佢想喺沙灘同車……

昨日網上流傳指有一位的士司機拾獲一部手機，打開手機內容一看，發現性愛床照及長達廿分鐘的性愛短片，雖然因短片上鎖未能上載，只上載九張相片，但有詳細文字內容描述短片中的男人如何呼喝粗暴地跟女方做愛，完事後又在鏡頭前做出V字手勢。

黃長發昨日接受訪問，強調自己無遺失電話，從來不拍慾照。	雖然黃長發曾稱與Karen再見不是朋友，但Karen亦力撐他無拍片嗜好。（資料圖片）	自當選香港先生，黃長發是非不絕於耳。

相片太暗 不能確認

九張相片中，除有穿上白色短袖恤衫的男主角大頭及側面特寫外，還有男女以不同姿勢做愛場面，以及男方半裸流汗照。但因相片太暗，做愛時男女的容貌均看不清楚，只有三張大頭相可看到男方容貌。不過看到男方樣貌的照片，手上所佩戴的鋼錶，與做愛時男方所戴的黑色手錶有所出入。該輯相片男子容貌，有指疑似早前捲入三奶孽戀的前港男黃長發。

黃長發曾要求Karen在車或沙灘行事。（資料圖片）	長發契媽	放大圖片

長發自與富商三奶Karen拍拖及分手後便退出娛圈，早前他曾在契媽Christine的餐廳任助理經理，但最近已轉到一間模特兒公司擔任經理人工作，日前他便與公司旗下混血兒新人出席首映。

無失電話 不會擔心

昨日記者到模特兒公司找黃長發問及疑似慾照問題，他第一反應是有點愕然，之後有禮貌地在公司門外受訪。他極力否認短片男主角是他，問到最近有無遺失手機？長發說：「冇，部機一路喺度，有相唔代表啲乜嘢。（擔唔擔心？）我一啲都唔擔心，我又冇做錯嘢，冇影過呢啲相，從來都冇！傳媒朋友同哥哥（黃長興）都有打畀我安慰我。（你電話入面會唔會有啲做愛嘅相？）從來都唔會有，只係用一啲簡單電話，像素好細，唔係高科技，唔會用電話影呢啲嘢。真係好得意，我之前出席完首映，之後就有啲咁嘅消息，太巧合喇！不過唔會影響到我。（會唔會上網睇下啲相？）冇興趣睇，我有自己屋企人同朋友，會好好保護佢哋。有人想搞我，佢哋搞錯咗。我離開咗娛樂圈兩年，佢哋搞我唔到。（使唔使同女友交代？）我都冇女友。（有冇亂搞男女關係？）冇，件事好明顯係有人想搞我，但我唔會去諗係邊個。（會唔會追究或者報警？）唔會，我都冇做錯嘢。」

Karen睇完相再回應

長發前女友三奶Karen昨日接受電話訪問時，對於長發聲稱無辜捲入疑似床照風波大感愕然。問到會否擔心？Karen表示：「我一定冇影過，同佢拍拖嘅時候，佢都冇要求過，佢只係外國人性格話想喺沙灘、車度（意指做愛）。（點睇呢件事？）我要開會，等我睇咗啲相先再講啦。」

對於Karen力撐自己無拍片嗜好，但又指他擁有外國人開放性格，要求在沙灘及車廂行事，問長發有何回應及還有甚麼冧女招數時，他稱：「講到太遠、牽涉到太多，唔想答，呢次係我最後一次答，以後都唔會再答，除非攞條片出嚟見到嗰個係我，我先回應，否則唔會再回應。總之冇做過，呢啲嘢個個都可以咁寫。」

另外，未知是否因相片內容不雅，下午在網上流傳的性愛相片及文字資料，昨晚已全被刪除。

文：影視組

是非港男新聞多多

港男出身的黃長發，入行以來是非不斷，今次更捲入疑似性愛影帶主角，認真水洗唔清。

○九年六月

長發與鄧劍群三奶Karen熱戀半年火速分手，Karen大數長發不能共患難，自認有眼無珠。長發不甘被數臭，反駁對方常放生電，揚言再見不是朋友。

○九年七月

長發飛甩Karen後，被傳連續冧契媽Christine及舞王霍紹裘現任女友Sindy Mok。之後他又獲契媽安排到法國餐廳任職助理經理。

○九年九月

長發被拍得與女伴夜蒲蘭桂坊，發現記者後突然情緒失控，當街破口大罵，更用頭撼記者相機，離開時更做反V手勢兼扮狗吠，令人側目。