長興撐細佬天真純品易呃
對於黃長發捲入疑似慾照風波，哥哥黃長興得悉事件始末即替弟弟抱不平謂：「可能呢排阿發冇乜新聞，所以就『撩』佢啲嘢出嚟講！」問到是否覺得長發會粗暴對待身邊女子或女友時，長興即肉緊地說：「梗係唔會！佢咁天真、咁純品，一定唔會做呢啲嘢！我身邊朋友個個見到佢真人，都會詫異原來佢咁細路仔，仲話佢咁單純好易畀人呃添！」
「怪我太保護佢」
長興斬釘截鐵指弟弟絕對不會自拍或拍下與女友做愛時的片段：「我哋屋企人唔會咁做！我力撐佢！佢依家都好專心做嘢，連拍拖都唔諗。」
愈說愈激動的長興還不忘自責謂：「都係怪我哋平時太保護佢！（如果細佬發生咁嘅事，係咪好心痛？）我都唔知發生乜嘢事，要同佢傾吓先。」至於Karen前夫鄧劍群，則對事件不予置評：「唔知！唔理！我都唔識呢個人嘅！」
長發契媽Christine對此則稱：「我喺外地，唔清楚呢件事，講畀我聽喺網上邊度可以睇到，等我睇吓。（咁你點睇件事？）冇嘢想講，唔知道。（係咪好耐冇同黃長發聯絡？）係呀，我真係喺外地，唔講嘞，係咁啦！」