騎士板櫈深大破紐約人

騎士今場起用身高僅得六呎九吋嘅希臣打正選中鋒，佢表現一啲都唔差，全場7射6中攻入17分，且搶得9個籃板球。至於同樣改打中鋒嘅華拿祖亦有水準演出，貢獻14分及搶下10個籃板球。

大帝棄23號波衫向佐敦致敬

因為早早拉開領先優勢，「大帝」勒邦占士都只係上陣31分鐘，但仍得全場最高嘅22分，而佢亦透露自己已向NBA入紙申請下季轉號碼，放棄23號而改着國家隊號碼6號，向偶像米高佐敦致敬。占士一直提倡聯盟應該將所有23號退役，以尊重米高佐敦為NBA作出嘅貢獻。