日韓速報：AV界雙妹嘜拍住上

收斂性感

AV界同賽車女郎，可以話有千絲萬縷嘅關係，好似大家熟悉嘅辰巳由衣、白石美咲、優希麻琴等，佢哋都係以賽車女郎嘅身份殺入AV界。其實日本嘅賽車女郎，等同我哋啲「騷女郎」，每次出現都會引起傳媒嘅關注，如果樣貌身材出眾，自會成為報紙雜誌上嘅紅人，當人氣急升，就有機會踏足演藝界，但主流嘅娛樂圈並唔係咁易進入，惟有退而求其次，選擇由AV界開始發展，多年嚟成功嘅例子都唔少o架！

但今次AV女優竟倒轉頭嚟做賽車女郎，都算別開生面。而吉沢明步同埋木下柚花兩人，當日雖然已經盡量收斂性感，但仍能艷壓群芳，一啲都唔輸蝕畀啲妹妹仔，事後仲有評論話身為吉沢明步師妹嘅木下柚花，睇起嚟竟比師姐仲要蒼老。

兩棲女優

事後木下柚花嘅經理人公司冇作回應，但其實兩師姐妹嘅關係十分唔錯，除咗同係喺Maxing公司出身之外，家陣都係踏咗半隻腳入娛樂圈，半隻腳仲喺AV界嘅兩棲女優，所以大家惺惺相惜，互相照應。

據資料顯示，木下柚花出道時，吉沢明步就以大師姐身份帶住佢四出宣傳，而且仲上由佢主持嘅成人電台節目做宣傳。之後吉沢由於太多嘢做，仲將主持之位讓咗畀當時人氣正急升嘅師妹，所以兩人感情十分要好，而仲有一樣嘢就係大家都好喜歡唱歌，吉沢正準備出碟同籌備演唱會，更要木下呢位現役搖滾歌手畀多啲意見佢。

撰文：小德