色樂園：囡囡遇桃花劫 失身又失金
轉眼又到年尾，坊間好多命相書紛紛推出，大談來年運程，而今日介紹嘅過江女神，佢就最喜歡研究命理術數，打開佢個手袋，竟放咗六、七本唔同大師嘅著作，真係比讀緊書嘅學生哥仲要認真勤力，問佢來年如何？佢話會行正桃花刧喎！
失戀傷心
呢位咁相信命理嘅靚女，原來係嚟自帝×桑拿嘅嬌嬌，問佢點解咁信啲命相書？佢話：「我細個時都唔信，但後嚟有一年，佢話我桃花將至，而且年尾仲有桃花劫，果然，嗰一年暑假我就初戀，年尾將近聖誕，更失埋身畀個男仔添！你話係咪好準吖？」失身啫！又點算桃花劫呀？嬌嬌話：「本來失身嗰晚，十分溫馨甜蜜，應該唔係乜嘢桃花劫，但係一個禮拜都唔夠，竟知道佢一腳踏兩船，你話係咪桃花劫吖？」
咁最後點樣呀？嬌嬌話：「我梗係畀機會佢啦！點知三日唔夠，佢就打電話畀我，話唔會離開佢個女友，我即時傷心到不得了，足足病咗三個月，個胸由36吋瘦到得番34吋，你話我幾咁可憐吖！」嬌嬌回憶舊事都眼泛淚光，真係惹起我嘅憐愛之心。
又遇一劫
之後嬌嬌一到年尾，就會買好多玄學大師嘅運程書返嚟，由頭睇到落腳，替自己趨吉避凶，問佢會唔會選擇地相信呢？嬌嬌話：「呢層當然，唔係買咁多運程書返嚟做乜，但如果真係避無可避，我就會照書裏面教嘅方法嚟趨吉避凶，減低損失，咁多年嚟都係咁做，一直都順頭順路，所以今年亦例不可廢，照買返嚟熟讀，家陣除咗幫自己，仲有時會幫埋啲姐妹，預測吓運程添！」
咁嚟緊一年嘅運程又會點呢？嬌嬌失望地說：「啲書又話我有桃花劫，上次感情被騙，傷心又失身，下年又話我有一劫，今次唔通要失金？我真係唔制，一於搵幾多使幾多，最多失身，唔畀機會自己失金。」咁都得！不如搵個好男仔仲實際啦！
嬌嬌小檔案
年齡：22歲
三圍：34-23-34
興趣：睇玄學書
撰文：小德
攝影：阿昌