做脫星無疑係好搵，可惜快來快去，好似脫星一姐Briana Blair咁，出道兩年多就搵過百萬美元，本來隨時收山，但買車買樓又炒股失利，結果欠落一屁股債，但堅強嘅阿妹話拒絕肉償，莫非真係諗住瞓街？
Briana Blair身材弗到震，查實欠債都唔使驚，只要肯肉償自然會有老闆出手相助，但阿妹就發聲明表示，就算真係要破產都唔會靠出賣肉體還債咁話。呢番說話好矛盾，明明係靠埋身肉搏賺錢，竟然話唔同人上床？佢解釋：「兩者有絕對嘅分別，平日同男優上床係拍四仔出糧，但為咗還債同老闆上床係賣淫，點可以混為一談呢？」啱，之不過影迷都覺得，既然你都係同男人上床，與其等咁耐至有糧出，何不直接搵個闊佬搞掂佢？再者，又冇人叫你公開承認同老細上床，阿妹值得考慮喎。
雖然Briana Blair堅持拒絕賣肉，但唔代表佢冇諗計仔還債，原來佢近期積極出埠搵外匯，去歐洲多國搞簽名會，山大斬埋有柴，真係搵落唔少o架！而另一方面，Briana Blair更四出主動界仔，似乎冇擔心過周身街數，難怪有網友指佢攬仔無非想搵人代還債。阿妹對此直認不諱：「做得男女朋友，當然有責任照顧另一半，就算有債都會幫手還，咁至算真心愛對方，況且全世界都知道我欠債，若然男方咁都願意同我一齊，即係默認會代我還債啦！」哦，終於真相大白喇！Briana Blair死都唔肯出賣肉體還債，似乎係唔想畀外界話Cheap，反而界件仔返嚟，自動自覺幫手還，還清仲可以踢對方走，乜手尾都冇，呢招都算狠毒囉，各位姊妹破產又使乜驚呀？
出生日期：1987年6月24日
三圍：32D-24-35
身高：5呎4吋
撰文：祖