脫星喺戲裏戲外係兩個人，即使床上如何表現開放，食極唔飽，返到現實一樣可以係良家婦女。好似Altea Ocean咁，阿妹未夠廿歲，就由匈牙利過江搵食，雖然已貴為一線脫星，但佢竟然話想做人妻，過啲平淡生活喎！
撰文：祖
數數手指，Altea Ocean喺四仔界打滾都有四年光景，憑其逼爆身材，以及一對淫眼，冧盡天下麻甩佬，加上阿妹夠爛做，任何類型嘅四仔戲路都無Say no，難怪一出道已喺各大四仔頒獎禮上頻頻攞獎，簡直紅到發紫。
多年嚟Altea Ocean嘅大小作品過百部，話佢搵唔到食睇怕都冇人信，但阿妹依然Keep住經常曝光，有成人網站問阿妹係咪唔捨得引退，點知阿妹話隨時消失都冇所謂：「之所以經常出鏡，係因為感情生活空白，惟有將重心放晒喺工作上，事實都係迫不得已！」原來係因為苦無伴侶，但對影迷嚟講，當然希望佢短期內都冇拖拍，否則一個唔該做咗人妻，到時想睇都冇機會！
Altea Ocean親口承認想過人妻生活，但喺戲內又表現瘋狂，更有癡女之稱，咁搞法容易令人誤會係淫娃一名，試問邊有人敢娶你呢？「呢層我當然明白，可惜影迷係我嘅米飯班主，假如我演出有所保留，大家就對我失去興趣，到時我人又冇，錢又冇，咪變咗雙失，因此喺我未搵到另一半前，我都要保持癡女形象，雖然好矛盾，但無辦法！」Altea Ocean自覺無奈，而另一方面佢卻訂立目標，假如三年後都搵唔到人要，就會退出四仔事業，返鄉下搞吓生意咁話！