正在日本集訓嘅公民足球隊昨午進行首場熱身賽，對手係由前日本國腳長澤和明執教嘅濱松大學，公民在早段落後兩球劣勢下，憑沈國強同沈國輝兩兄弟各建一功，以二比二逼和對手，公民今日會同FC本田進行第二場熱身賽。
公民在九月開鑼嘅本地甲組聯賽硬仗連場，九月份四場對手計有南華、大中、傑志及天水圍飛馬，教練貝可泓早前定下目標，最理想係全取十二分，但最低目標係攞八分，今次日本六天集訓目標鮮明，志在提升狀態，迎接各場大戰。