最近日本有個AV銷售網站，替56位女優進行調查，問佢哋喺拍攝現場，最喜歡飲啲乜嘢，可以令自己冇咁緊張，能夠輕易投入拍攝。呢個調查結果出咗嚟，真係估佢唔到，第一位竟然係飲樽裝水，普普通通嘅開水，點解會咁受歡迎呢？
喺未講原因之前，先同大家報告吓女優頭五位最愛飲品排名。第五位就係果汁，佢哋話一來夠健康，二來可以清清口腔嘅味道，所以同女優親熱時，男優可能品嘗到淡淡嘅鮮果味道。
第四位就係咖啡，女優話有時夜瞓，去到現場都未回到魂，所以整杯咖啡嚟提吓神，即刻精神一振，馬上可以投入工作。另外，落足糖帶重甜味嘅咖啡，等同食咗糖果，可以令緊張嘅情緒平靜落嚟，所以好多女優都好喜歡咁做。至於第三位，就係一啲有藥用嘅茶類飲品，例如綠茶、菊花茶之類，佢哋話開工前飲啲茶，有提神嘅作用，更可以清吓啲熱氣，真係一舉兩得。
至於第二位，相信好多朋友都估到，就係飲健康飲品，特別係有提神作用嘅飲料，有唔少女優都話，冇佢開唔到工，原來係擔心自己嘅戰鬥力，特別係要力戰眾多高手時，事前都會整番支補吓，咁就唔怕會體力不支，拍攝唔到落去。
最後嘅第一位，真係好多人都大跌眼鏡，竟然係樽裝清水，竟有四成女優係飲佢嚟開工。問佢哋點解？只係話習慣咗！我哋對呢個答案當然唔滿意，於是問過一位已經息影嘅AV女優，問佢點解會咁？佢話可能女優自入行開始，就怕畀人喺飲品裏面落藥，所以只會飲清水，味道一有唔妥就會發現到，久而久之，佢哋開工就只會飲樽裝水。原來係咁，真相大白！
撰文：小德