近日曼谷嘅夜場，經過咗一輪大事件之後，可以話已經見到曙光，早前就因為宵禁問題，搞到好多人都唔敢出街，所以夜場嘅生意就自不然差咗。刮王一邊做採訪，一邊亦有到夜場去睇睇，眼見出面打到飛起，但係有好多間場就仍然有唔少客人去玩。好似呢間夜場咁，場主話因為大家都覺得氣氛唔好，所以就特別將場內嘅小姐打扮成好似歡樂小姐咁，佢哋頭戴彩色帽，喺場內跳舞娛賓。
講真句，有唔少人都話曼谷依家搞成咁，都唔知幾時至有人去當地玩，但係刮王就話過你知，依家每日都有飛機到，旅客數量其實唔少，就好似呢間夜總會咁，呢幾晚都一樣係爆場，眼見落嚟玩嘅都係以鬼佬客為主。但有一件事係事實，因為客人少咗，所以好多場喺收費上都有特別做法，例如以往你入場玩，單單係枱面數都有排計，但係近日呢間場就將枱面數以三折收費，但係女錢就無得減，因為呢樣係小姐嘅皮肉錢。相對嚟講，其實依家落去玩又真係幾抵，之不過就睇吓你夠唔夠膽！
撰文：刮王