送禮畀客人
要3D立體同夜總會扯上關係，直覺話畀我知，除咗意指PR嘅身材（D Cup）外，我真係唔知有乜瓜葛。而負責今次活動嘅夜總會老總就解釋，原來係同獎品有關，事關今次活動主要係「派糖」。老總話：「聽聞你哋嘅財政報告都係小恩小惠，對於草根以及中產都冇幫助可言， 既然係咁，不如就等我哋派糖益吓大家啦！」嘩！真大口氣，但你又講得好啱嘅，財爺所謂幫忙，連買部潮人必備嘅iPhone都唔夠畀，試問我哋呢班打工仔又點會開心呢？「無錯，我哋就知道你哋連iPhone都買唔起，所以獎品方面九成係電器產品，送得最多嘅正係呢部手提電話！」老總咁有計，計我話不如去做財爺好過啦！
小姐大變身
買張套票，過馬交Happy就話有電話送，講都冇人信啦喂？「係事實，人客只要去港澳碼頭買一張套票，即時有擦擦卡一張，擦中即有獎品，頭獎係60吋LED大電視，二獎係五公升名貴洋酒、三獎係影音產品，仲有現金獎，多到不能盡錄！總之，你抽唔到獎，過嚟我送畀你！」玩到咁盡，我唔幫襯你咪好蝕底囉！
除咗獎品勁揪，為咗呢個活動，四大夜總會PR都要經過重新培訓，×龍PR代表YoYo就話：「話明主題係3D，我哋由頭到腳都要執過晒呀！」原來，為咗令人客有耳目一新嘅感覺，PR由頭到腳包括制服屆時都會執正佢，YoYo話由髮型開始，到身形都要以最弗示人。
神秘終極大獎
賣包裝本來就係PR職責，執正係應分，同3D有乜關係先？YoYo解釋：「當然有啦！執正係因為上房需要，話明3D，假如人客抽中攝錄產品，我哋上房就大派用場啦！」莫非阿妹意思係玩自拍？「到時你咪知囉！」嘩，同人客拍情慾短片咁激，呢個唔只係3D，應該係4D至真喎！
而中×城及×城夜總會嘅PR可可就話：「所以你冇發覺，參與活動嘅PR都零舍巨咪咩？」而×澳夜總會PR莉莉更話：「除咗擦擦卡有獎，現場更有遊戲玩，贏取終極大獎，但暫時賣個關子先！」咁仲等乜呀，拿拿臨過去做男優啦喂！
撰文：祖
攝影：生