問：我最近去夜總會玩，由於太夜上去，所以都冇乜囡囡，最後媽咪安排咗個舞蹈員入嚟陪我，起初話只係陪坐，點知我哋十分投緣，玩玩吓已經可以打車輪，最後問佢有冇意思同我去開房，佢話要等佢收工後，再上酒店房搵我，於是我先返上酒店房等佢，最後等到兩點幾佢至嚟拍門，請問佢係咪做完另一個客至嚟搵我呢？
答：呢個可能性當然有，但亦有可能係避開媽咪嘅監視，因為一般夜場嘅舞蹈員，除非得老總批准，否則係唔可以坐枱嘅，特別係最近風頭火勢，如果亂坐枱發生乜嘢事，真係有可能成個場畀佢撓起，而今次由媽咪安排，睇嚟係得到老總嘅批准，但囡囡嘅所有小費，都要拆返畀媽咪同老總，例如三百蚊坐枱小費，有五十歸老總，有一百歸媽咪，最後落袋嘅只得百五蚊，如果同客人上房嘅，就要抽更多錢，所以好多囡囡都等正式收工後，甚至返到宿舍再走出嚟搵你，咁就可以避咗畀媽咪抽水，自己賺多啲吖嘛！
撰文：小德