多名泛民主派立法會議員早前被揭涉嫌收受壹傳媒集團前主席黎智英（肥佬黎）嘅巨額捐款，外界要求認真調查涉事議員嘅呼聲不絕，但立法會內部一直踢極唔郁，早前更否決調查涉事嘅公民黨黨魁梁家傑同黨友毛孟靜。不過，立法會議員個人利益監察委員會尋日終於決定，就其中涉事嘅工黨主席李卓人及社民連主席梁國雄（長毛）涉及利益申報嘅問題展開調查。若有需要，可傳召或邀請非議員人士出席會議，睇嚟李卓人同長毛受審有排煩喇！
