小師弟:尋晚同班老友去夜總會玩，我哋一行八人加埋每人一個囡囡，間房坐咗十六個人。以為叫八打啤酒夠飲有凸，點知班女坐低唔夠一陣，已經幫我哋清咗大半，仲叫我哋加酒，都唔知佢哋係咪故意要我哋畀多啲酒水錢！
飛車文:老實講，你哋咁多人飲八打一啲都唔多，我當年同四個朋友上去玩，閒閒地都嗌幾打啤酒啦！加上內地囡囡一般酒量都唔錯，尤其係北方嚟嘅佳麗，佢哋嘅酒量相當高，更視啤酒同水差唔多，故此未必真係想呃你酒錢嘅。
咩咩華:其實十六個人飲八打酒都唔算多，計落每個人都只不過係飲六支酒，你之所以咁o架，會唔會係因為唔識飲，抑或係覺得啤酒太貴呀？查實出得嚟玩，就唔好計住計住，否則吓吓都睇住個荷包做人，又點會玩得過癮呢？
三六狗:如果你哋唔嗌酒嘅話，你覺得夜總會點樣可以賺到你錢呢？唔通真係靠你啲果盤同小食嚟養佢哋咩！我覺得既然你哋咁多人，飲啤酒一啲着數都冇，反而飲威士忌仲划算啲，又唔會飲到一肚氣，咁咪仲抵玩！