問：我喺內地有個識咗好多年嘅「飯盒」（相熟囡囡，有需要時可用友情價幫襯），而且差唔多每個月都會見幾次面。唔知係咪識咗好耐，建立咗感情關係，有種衝動想同佢拉埋天窗。不過聽到好多人話，呢啲囡囡結咗婚後都變咗第二個人，貪錢又勢利，唔知係咪真呢？
答：其實每個個案都唔同，唔可以一竹竿打一船人。不過好多故事話畀我哋知，囡囡之所以會出嚟做，無非都係為咗錢，如果佢真係願意為咗愛情而放棄麵包嘅話，我真係要恭喜你！此外，其實你仲要諗清楚兩個問題，首先就係你接唔接受到佢嘅過去，除咗因為佢以前係囡囡外，仲要諗吓佢係你嘅「飯盒」同時，會唔會係其他人嘅「飯盒」。其次就係你哋嘅生活方式會唔會互相遷就到，事關囡囡一般冇乜生活技能，而且鍾意去玩、去血拼，到時你又接唔接受到呢？諗清楚先，然後再諗好唔好結婚啦！
撰文：阿豪