落車即勾搭

曾幾何時，小弟由父母帶領之下返鄉下，而返到鄉下嘅時候，駕車一去到村口，就見到好多鄉里夾道歡迎，情況實在相當熱鬧！當然，佢哋之所以咁熱情，除咗顧及鄉親情誼之外，亦因為父母親帶畀佢哋嘅進口產品！不過，家陣內地開放咗咁耐，莫講話鄉里唔會再咁熱情招呼，就算去到旅遊區，亦一樣唔會好似以前咁受歡迎。但係，仲有一個地方例外，就係河北野三坡喇！

野三坡有一個國家地質公園，當地山青水秀，有豐富嘅旅遊資源，同北京相距不遠，仲有鐵路配套，所以成為內地短線旅遊熱點。然而，呢個旅遊區漸漸變成一個色情區域！旅遊車未去到，就可以見到遠處有一間洗浴中心，仲擺出大大個廣告牌表示「三陪小姐，租金三百元，陪遊、陪酒」。落車之後，更加會見到一班中年男人夾道歡迎，並隨口就問：「租三陪小姐啦！隨便玩都可以，絕對安全的。」擺到明拉客，咁都得！

體會農家味

除咗有中年男士雞頭拉客之外，一班打扮到花枝招展嘅三陪女亦會進行「後排攻擊」，拉住漏網之魚隻手話：「從現在開始，我就是你老婆了，我會陪你遊玩、喝酒，晚上陪你過夜，一天300元，在野三坡這裏都是這個價錢了。」點解佢哋可以咁明目張膽拉客呢？原因正如一間洗浴中心老闆所講：「沒可能會查的，派出所就是我們家開的，不信你去問所長。」唔怪得可以咁囂張啦！洗浴中心同三陪女充斥之外，當地仲有好多娛樂場所，上演極具色情意味嘅風情舞表演，令當地嘅色情活動更加有聲有色。另一方面，野三坡呢處亦有體驗農家樂嘅機會，因為當地嘅農家提供房間出租服務，一般嚟講一晚租金為30至40蚊人仔，咁就可以帶三陪女入去，一邊溫存，一邊享受農家夜宿嘅風味喇！

撰文：賢