中醫認為，人嘅衰老往往從腎機能顯現，所以，想延年益壽、增強活力，必須從補腎開始做起。當然，要補腎最簡單嘅方法就係食療，咁又邊種食物可以補腎呢？食黑豆啦！黑豆除咗含有豐富蛋白質、維他命A、B1、B2、D、E之外，仲含有粗纖維，當中維他命E正係延續青春活力嘅重要元素，絕對係一種健康食物。另外，中醫界亦指出黑豆屬於黑色食物，而黑色屬腎，所以黑豆具有補腎作用，亦有利水、活血、消脹、養陰嘅效果。中醫名書《本草拾遺》指出，黑豆能「明目鎮心，溫補。久服，好顏色，變白不老」，從中可以顯示出黑豆可以延年益壽。而黑豆嘅食用方法亦都好簡單，可以先用白鑊配合慢火將其炒熟，然後用之浸酒或醋，只要放於陰涼處一個星期左右就可以飲用，以及食用黑豆。再簡單少少，市面上已經推出好多由黑豆磨成嘅黑豆漿，買返屋企飲用一樣有功效。

陽起子