譚公廟遇劫 女助理扮瞓報警
【本報訊】跑馬地一間有百年歷史的譚公廟，疑竊匪睇準譚公誕前夕香油錢數目多，昨凌晨持鐵筆夜闖古廟爆竊，惟弄醒留宿的六旬廟祝女助理，胖賊喝令她「繼續瞓」後，搜掠香油錢及財物，女助理假裝聽從，暗中用手機報警，但按鍵聲驚動賊人，遭賊人爆粗怒罵，繼而搶去其手機逃去，女助理險被嚇破膽，但慶幸無受傷表示：「多得神靈庇佑！」
胖賊喝令「繼續瞓」
女助理姓黃（六十五歲），十四年前開始在藍塘道該譚公廟工作。昨凌晨二時，黃婦被異聲驚醒，發現一名胖賊手持鐵筆及錘仔撬門進入，並喝道黃婦：「咪郁！攞條鎖匙畀我！」黃婦表示她無鎖匙後，賊人着黃婦：「繼續瞓，用被冚住頭！」約十分鐘後，黃婦以其iPhone 4s手機報警，疑手機按鍵聲驚動賊人，遭賊人爆粗怒罵：「你想死！」並搶走其手機逃去，黃婦驚惶失措，用廟內電話報案。除黃婦損失價值約五千元的手機外，香油箱內現金亦失去，惟無法證實數目，抽屜內二百元亦被偷去。
