講完之後就繼續瞓覺，小娟覺得十分奇怪，但仲係溫習功課要緊，於是返房讀書。大約個零鐘頭之後，電話響起，之後聽見娟媽接聽，傳嚟咁嘅對話：「喂！又係你呀！你想點呀？乜話，聽日又嚟，我嚟咗幾日，已經成個散晒啦。」

小娟一怔，放下書本走近門邊偷聽，娟媽：「冇咗我唔得，唔係嘛？你身邊咁多女人，多我一個唔多，少我一個唔少啦……同我特別夾得嚟……同你個衰鬼，又係玩得幾開心嘅……咁好啦，聽日再嚟啦，但聲明在先，你要錫住人哋嚟玩㗎！」

小娟一聽，暗叫不妙，唔通娟媽不守婦道，紅杏出牆，於是第二日遠遠跟住娟媽，睇吓佢走去邊處鬼混。但見娟媽打扮得花枝招展，身穿花裙仲着埋高跟鞋添，但好奇怪，娟媽竟直走去公園，呢個時候，一個中年男人出現，仲抱住娟媽不停轉圈。

各位聰明嘅讀者，大家又估唔估到娟媽同中年男人喺公園搞乜嘢呢？

1. 喺公園準備打野戰

2. 喺公園大跳社交舞

3. 喺公園練習太極拳

4. 喺公園安排走水貨

答案2. 喺公園大跳社交舞

解釋：原來中年男人就係社交舞老師，佢每日都喺公園教人跳舞，所以佢有好多女學生，而娟媽就係其中一個。由於娟媽跳舞有啲天分，於是老師日日都訓練佢，佢話日日畀男人操佢就係咁解。加上平時少運動，連跳幾日，仲唔腳軟兼全身散晒咩？所以小娟請放心，你阿娘絕對清白嘅。

小德