鷹隊0.01秒伏魔鎖定季後賽

鷹隊尋日都算贏得驚險，因為魔術老將卡達剩餘9.9秒時射入一記遠程三分，追成平手，而鷹隊最後一擊交由「鷹王」祖莊遜處理，佢遠射唔入，殊不知伏兵籃前嘅祖斯史密夫在球彈出後隨即左手「補樽」，結果球證多番覆睇慢鏡後，證實祖斯史密夫在0.01秒前入波，鷹隊因此以兩分絕殺成功，同時以46勝25負，鎖定季後賽席位。

塞爾特人贏金塊出線

近年成為人球嘅鷹隊射手哥羅福，征戰NBA十個年頭終有機會首嘗季後賽滋味，佢至今打咗666場常規賽，但從未有過季後賽經驗。

另方面，同鷹隊爭緊東岸第三嘅塞爾特人，尋日贏金塊後，亦確定出線季後賽。金塊已嘗三連敗，老大哥比立斯亦承認，缺少教練卡爾嘅指令，無疑令球隊陷入困境。卡爾至今已因治療癌病缺席了9場比賽，當中金塊5勝4負。